東加豆-新鞋日記 13 April 2007
話說今日番到公司發覺鞋掙出現大半鬆脫情況，再測試幾下知道不能大踏步了，但不想取消與媽媽的午飯，所以決定中午前一定要買到新鞋救急．
價值七十元的新鞋買了，午飯吃完，再投入工作至落班，再乘公司巴士回到地鐵站．
下車時突然發覺自己半隻腳光脫脫踏到地面上．．．哎．．新鞋子爛了！？
新買o架渦！？怎樣攪．．．，因為好尷尬．
一向買這類款式鞋子我都以為皮子是一幅過，蝴蝶結等的裝飾物是黏住便可以了，沒想過這對鞋是兩幅雙蓋用幼線繫上．
之後我就拖下拖下地上行丫行，再打電話媽媽訴苦一翻，她叫我回去那店舖換貨，我盤旋再回去或立即乘地鐵回家時間差不多，所以我回家，因為不想再逗留街上．
沿住地鐵踏進電梯無問題，但上到頂腳要踏出去那步我就知道有問題，果然如我所料，這次整隻腳叉出來．．．哎．．天丫．．唔好咁玩我丫．．好尷尬丫真係．．．！我已經唔敢抬頭望有無人見到．．不過，點會無人見到丫．．出電梯比我窒住．．D人要側側行．．
之後我企o係月台，有車都唔敢上，就諗．．都唔係辦法，仲有成５０分鐘捱．．
再抽條蝴蝶結出來睇睇，發現條蝴蝶結可以鬆解變回一條繩，我就索性用它從鞋底繫住腳面，咁應該可以安然回家．
跟住就開始第一次轉車過程，見到地鐵打開左對門都唔敢行得好快，不過都趕到，
但當踏入車霜內又甩！！原因是越行帶子越向前，繼而鬆脫！！鞋子仲勾住月台罅隙，鞋帶就在罅隙中的鐵支“條條 Fing”，哎．．唔好啦．．．我 o個 種尷尬程度已經湧晒上來啦．．
我立即把鞋子放入車霜，然後就用兩秒時間諗．．鞋帶要唔要？門快要關上啦．．！之後就彎腰快快執帶子，再重新綁上！我依然唔望人．．挺直腰，當無事發生．．不過 o個 尷尬心情就只有自己知，然後就直到抵達屋企為止．．．．
沒有留言:
張貼留言